· 

Rückblick Wo. 28 / 08.07. - 14.07.2019

Im Wochenrückblick schreibe ich frisch von der Leber was mich in dieser Woche beschäftigt.

no Mal wie mir dr Schnabel gwachse isch

Wills so schön isch...

... schriebe ig grad no mal uf Berndütsch. Vorallem z Haguwätter tönt doch eifach Super äso. Hets ghaglet die Wuche?

 

Doping Razzia weltwiit im grosse Stil

I grosse illegale Labor Fitnesszenter und so wiiter hets ufallfäll ghaglet. Äs isch ä Dopingrazzia gmacht worde wie se d Welt no nie het gseh. Da dr bi isch nid mal dr Spitzesport im Vordergrund gstande sondern "Otto-Normal-Verbrucher". Also was wird so äm 0815 Bürger als verchouft.

Es sie eigentlich nume Fäll u Festnahme vo Europa bekannt worde u Zahle si gwaltig. Vom Rest vor Welt nüt. Da ghört mä ja o süsch nüt drum o nid erwähnenswert, müesse üs um üse Chram kümmere.

Ir USA het's ou Razzie gä, aber äbe mi het eigentlich kener Zahle u Fakte chönne lese. Ganz ehrlich mi niems gruusig Wunder. Si doch z Amerika so Fitnesszenter u ihrer schöne Body-Bsuecher immer öppe ä Blickfang ir Bilderwelt. Schliesslech muess de dert o no jede so guet usgseh wie ihre Presi. Ou ha ig öppe öpper beleidigt. Nu i hoffe its die betroffene verstöh bi mim gschriebne nume nordkoreanisch.

 

Potz Himmugüegeli flüg uf...

...bi ig grad Aktuell mit mim Mundartblog. Sisch grad Thema gsi die Wuche i de Medie. Wie ir Natur isch chli äs Artestärbe uszmache. Mundart wo verschwindet, am Dütsch oder anderene Fremdsprache Platz macht. Aber immer wieder nimmt me de gern so Wörter führe, alti zum Teil u scho fasch Vergesseni. Die Junge kombiniere hüt viel mit Frömdwörter oder erfindere grad. Aber ganz ehrlich hi das die Junge nid scho immer gmacht?

Ja nu! Hie äs paar Müsterli. Himmugüegeli si übrigens Marienkäfer u Äuwä(=viele Bedeutungen Beispiel: Sicher nicht oder ist das wirklich wahr) isch ds Berner Allerwältswort. Aaber=Schneefrei, bauge=schelten, bänggle=werfen, Chrämärä oder kömerle=einkaufen, gänggele=kaufen von eher nicht völlig Nötigem (zum Beispiel Süssigkeiten), Löödli=Tüte und sowiter...

Lustig fing ig ou das d Usprach vo Zahle chü nach de Namewörter unterteilt werde: zwo Froue, zwe Manne, zwöi Chind = Zwei... Frauen, ... Männer, ...Kinder.

 

Leider ha ig grad chli ä schwieregi Wuche u drum passend wie dr letscht Blog, chli z spät aber äs passt, Berner si ja langsam.

Drum ha ni noti=Trotzdem(eis vo minä Lieblingswörter us äm Ämmital) mi Blog nid uf nächst Wuche verschobe sondern glich no veröffentlecht.

Für ä Berndütsche Ustusch vo schöne u alte Wörtli bi ig übrigens immer zha.

 

Kommentar schreiben

Kommentare: 0